Peter’s Confession about Jesus

Haggai 2:1-9; Psalm 43

Luke 9:18-22

Nagka-lain-lain na an esplekasyon nan mga eskolar sa bibliya kon uno man gajud an buot ipasabot nan situwasyon na nangutana si Jesus sa Ija mga tinun’an kon Sin’o Sija, pero dili Nija ipa-sibya sa mga tawo–jaon taglaong na “divine silence”– na Sija an Messiah of God.

Sa ako pangagpas, an pinaka-marajaw na paagi para mokaylap an impormasyon, lang’an lamang nimo an isa ka tawo na dili nija ipanabi an ijo sekreto, segurado ‘ton na mokaylap an ijo tag-estoryahan na butang.

Sa Habungan, dos minutos ra an tay’ang, mokaylap dajon an tabi sa tibook lungsod!

An punto ‘ko dinhi, an gusto seguro ni Jesus na kon iestorya man gani nila na Sija an Messiah of God, kinahanglan kilay’on gajud anay nila pagdajaw Sija adeser nila ipanabi an kamatuoran.

Amo ‘sab kita, kinahanglan makilaya nato si Jesus sa personal na paagi.

—-

The Workers in the Vineyard

Isaiah 55:6-9
Psalm 145
Philippians 1:20c-24, 27a

Matthew 20:1-16

Ini na sambingay, dili gajud kon mahitungod sa suweldo na bajad sa trabaho nan mga tawo kon dili, mahitungod ini sa pagka-patas sanan pagka-rasonable nan nagpatrabaho.

Dili man nato mahimo na dektahan an nagpatrabaho kay sija ra ma’y magbuot kon pila ra ka oras an ija pagpatrabaho, basta an bajad nija bastante para sa otso oras na patrabaho.

Amo ‘sab ini sa ato Diyos, waya’y Ija pili kon kon’o an tawo mobalik sa Ija pagmahal sanan pag-amuma.

Pari-parehas tanan, dawaton Nija sa Ija pagmahal, abir kon alas onse na an tawo mobalik Dija basta kinasing-kasing sanan tinood na may paghinulsol an ija pagbalik sa Diyos, dawaton gihapon ini Nija.

Amo na ipangaliya nato kan God na mahimo kita na mangginhatagon parehas kan Lord kay isa man ini ka gawi na gusto Nija para dato.

---